"Ф. Скарына і роднае слова"

Дата: 14 февраля 2017 в 22:25, Обновлено 14 февраля 2017 в 22:47

Автор: Рудобелец В. М.

703 просмотра

Ва ўстанове адукацыі сярод вучняў 5-11 класаў прайшоў конкурс чытальнікаў "Ф. Скарына і роднае слова". З вуснаў вучняў прагучалі творы Я. Купалы, Я. Коласа, Я. Янішчыц, Н. Гілевіча, В. Віткі, К. Цвіркі, М. Танка, прысвечаныя роднаму краю, роднай мове. Вучні разам з настаўнікамі ўзгадалі творчую дзейнасць першадрукара Ф. Скарыны. Менавіта ў 2017 годзе спаўняецца 500 гадоў, як Францыск Скарына надрукаваў першы экзэмпляр "Псалтыра" 6 жніўня 1517 года ў беларускай рэдакцыі царкоўнаславянскай мовы, паклаўшы пачатак айчыннаму кнігадрукаванню. Пераможцам конкурса стала вучаніца 11 класа Мелказёрава Лана. Віншуем і зычым плённых поспехаў!

Фотаматэрыялы

Як звяры,

што блукаюць у пушчы,

ад нараджэння ведаюць сховы свае,

як птушкі, што лётаюць у паветры,

помняць гнёзды свае,

як рыбы, што плаваюць у моры і ў рэках,

чуюць віры свае

і як пчолы бароняць вуллі свае -

гэтак і людзі да месца, дзе нарадзіліся

і ўзгадаваны ў Бозе,

вялікую ласку маюць.